لا تشكي الحال وتعسف دنيتك عنوه

احبااااااااائي

هذه الكلمات من ارشيفي كتبت منها بعض الابيات في مدونتي وطلب بعض الاعضاء القصيدة كاملة

اقبلوها مني على تواضع كلماتها فما زلت اتعلم من اساتذة الابداع في هذا المنتدى

لا تشكي الحال وتعسف دنيتك عنوه
	هذي مقادير تسري بأمر خالقها
وراحة البال بنفوس البشر منوه
	لو يصفي الوقت يبدي وقت يسرقها
خذ من بريد الفرح لهمومك السلوه
	لو غيمة الوقت جادت ولاح بارقها
روح الشقاوي تشيل همومها غنوه
	وحروفها في هزيع الليل تحرقها
ما نامت العين وبين جفونها نوه
	تذرف دموعه على خل مفارقها
تسبح سحايب هجوس في سما جوه
	تمطر على الروح جمر في معالقها
ما ضاق صدر على مافيه من بلوه
	الا يجيه الفرج والهم فارقها
دقايق العمر تجري والزمن توه
	كن الزمن بحر للارواح يغرقها
لا بد تكسر جسور الياس بالقوه
	وتبعد النفس عن هم يأرقها
من لاك وقت يباس كنه المروه
	روحه على صفحة احزانه تعانقها
يرمي وسط بير صبره للامل دلوه
	يجني بصبره عناقيد تذوقها